Metabolic Reykjavík er þjálfunarstöð sem er sérsniðin að þeim sem vilja fjölbreytta, faglega og skemmtilega heilsurækt og komast í sitt allra besta form. Í Metabolic bjóðum við upp á það besta úr einkaþjálfunar- og hóptímaheiminum.
Æfingakerfið er íslenskt og er hannað af Helga Jónasi Guðfinnssyni sem er líklega þekktastur fyrir afrek sín á körfuboltavellinum, en síðusta rúmlega áratuginn hefur hann helgað sig þróun á Metabolic æfingakerfinu.
Í kerfinu eru engar tilviljanir, hvorki í upphitun, niðurlagi og allra síst í æfingunum sjálfum. Því Helgi sér til þess að við séum að nota það allra nýjasta úr rannsóknum í heilsurækt hverju sinni.
Við erum stolt af æfingasvæðinu okkar sem hefur þróast og breyst á hverju ári með breyttum þörfum iðkendanna sem styrkjast og vaxa með okkur.
Eygló hóf samstarf við Metabolic Ísland árið 2013 og opnaði þá fyrir hóptímaþjálfun í Árbæ í samstarfi við Árbæjarþrek.
Þar blómstraði starfssemin til ársins 2016 eða þangað til Árbæjarþrek lokaði.
Það var svo árið 2018 að Eygló fann húsnæðið að Stórhöfða og eftir langar samningaviðræður við eiganda hússins var loks skrifað undir leigusamning. Breyta þurfti rýminu úr öldurhúsi yfir í íþróttasal og það tókst á undraskömmum tíma.
Metabolic Reykjavík opnaði í núverandi mynd þann 7. janúar 2019 og er Eygló ein þriggja eigenda að rekstrinum.
Allir þjálfarar hjá Metabolic Reykjavík hafa lokið námi og hlotið viðeigandi þjálfun í starfi.
Bryngeir er eigandi og framkvæmdastjóri Metabolic Reykjavík.
Hann er höfundur Bryllamallsins, þjálfar Metabolic hóptíma og leggur línur fyrir allt innra starf stöðvarinnar.
Hann er einnig kennari og knattspyrnudómari.
Ragnar hefur einstaka ástríðu fyrir styrktarþjálfun.
Hann tekur einnig að sér einkaþjálfun fyrir almenning og afreksíþróttafólk í Metabolic salnum.
In addition to coaching Metabolic group classes, Chase offers private and small group strength and mobility training for the general public and athletes hoping to fortify their joints and address pain and/or mobility limitations as they progress towards their goals.
Jakob þjálfar hóptíma Metabolic. Hann hefur mikla ástríðu fyrir styrktarþjálfun og sér að hluta til um að prógramma MST æfingar.
Hann tekur einnig að sér einkaþjálfun fyrir almenning og afreksfólk í Metabolic salnum.
Steinunn hefur verið í teyminu frá fyrsta degi opnunar og þjálfar hóptíma Metabolic ásamt því að prógramma hluta Vol2 æfingar.
Hún hefur æft íþróttir og stundað lyftingar í mörg ár. Hennar reynsla skilar sér beint í æfingarnar okkar.
Villi þjálfar hóptíma Metabolic og er með mikla orku sem smitar út frá sér í æfingahópinn.
Hann tekur einnig að sér einka- og styrktarþjálfun ásamt nuddi.
Það er pláss fyrir fleiri þjálfara. Hafðu samband ef þú vilt þjálfa hjá okkur.
Kátur stendur stundum sófavaktina á meðan tímar standa yfir.
Hann er forvitinn gamall hvutti sem elskar að fá klapp og klór á milli lúra.
Stofnandi og eigendi Metabolic Reykjavík.
Þjálfar hóptíma stöku sinnum og sér að hluta til um að prógramma MST æfingar.
Hennar grunnur er úr jógaheiminum, en hóf að vinna markvisst með hugmyndafræði Metabolic árið 2013.
